Lidhja Demokratike e Kosovës këtë vit ka nisur zgjedhjet e brendshme partiake.

E në fund të krejt kësaj pritet të zgjidhet edhe kryetari i kësaj partie.

Pretendent kryesor, sipas ish këshilltarit të Isa Mustafës është pikërisht ky i fundit.

Sipas Besnik Berishës është ideale që në këto rrethana  që po kalon Kosova por edhe vetë LDK-ja, kryetari aktual Mustafa të udhëheqë edhe për një mandat.

“Pretendent për të parin e LDK-së mund të jenë disa. Është fakt se shumë qytetarë e shohin fatin e tyre në udhëheqje të LDK-së. Unë besoj personalisht që LDK-ja s’do të ketë ndryshime në njerëz por në politika. Tani janë dy apo tre emra të lakuar në publik dhe se kanë përjashtuar mundësinë. Unë besoj se LDK-ja do të ketë vazhdimësi të liderit të saj që mendoj se kandidati më i mirë përballë kësaj situate do të ishte përsëri akademik Isa Mustafa. Nëse ai ka dëshirë ose synim do të ishte ideale që në këtë kohë që kalon Kosova dhe LDK-ja ai të vazhdojë lidershipin e tij”./V.Selimi/Arbresh.info/